کتب ربی ابقرآنه علیچ اهــــوای
آبایات او قصص و احکام معلومـه
او ذکرت بل اشعار الساده و العلّام
قصاید تنقری ابحبچ یجیدومـــــه
انت الشمس و امطفیه المظالم دوم
نورچ من یشع ینسه الگمر نومـــه
رضعیت النصر من ثدیچ ابعبــرات
او سهری من نبع طیبچ هزم گومـه
او گعدت احذاچ و انه اصغـــــیر
او ربیت ابحضنچ اسنینـــــــــی
ارید اشتم ورد من ریحة الخــوان
یمه شنهی من ریحه تداوینــــــــی
اخضیرا او نسّمت یل تاج فوگ الراس
نشب عطر الجنان ابجسمی التعبـــان
لولیتی علی گلبچ هدالی الکـــــاس
یبنی گوم شد حیلــــــــــــــــک
انتظر تکبر او تزهی او تسقی العطشان
یبنی من نثر شعرک یبس ریجــــی
رضعیتک او رضعیت القدر ویـــاک
لاکن یبنی نکرانی او شگ زیجــی
تدری من هضمته ابشربت الفنجـــان
لف ذیله اعلی راسه او ینتظر عیــدی
الزمن ما وفه باحد غطس الغرگــــان
جّره امن الجبل ، حدراه لبـــــــحاره
غطس حدر الامواج ابساحل التربــــان
و ابصوت الحنونه اکتشفت اســــراره
یبنی آنه ربیتک و ارید اربــــــــای
سبع تشهر حملتک و الگلب سهــــره
او بضع اسنین شلتک و الدموع اتسـیل
تبارینی ابکبرتی او عازتی ابنظــــره
امی حگهه لو ناحت علی بــــدمــوم
امی غرگاهه البین، ابکوخ الظلم منتصره
راحت بل فکر و انه اعلی شاطیــــهه
اجاهه الریح کصر بل ضلوع اهــــوای
ابصخر و و ابصوط جرّح ساگ رجلیهه
ندهت المای گتله الصخر جرّحهـــــه
غطس بهموم خوفه من یداویهــــــه؟
الحنان ابگلبی موگد صار لل نیــــران
اطفّیه ابصبر و الهضم جرحانـــــــی
الدم بل گلب فار او مزّگ الشریـــان
تلف صورت حبیبی الچان دفّانــــی
امی لاهی عدله لاهی تحت الگـــاع
امی غمضّت عین او نفس بیهــــــه
تگلی یبنی ما اموت ابوجود اربــای
تضحک والفرح نوّر معانیهـــــــه
حفرت الگبر ردت اندفن ویاهــــا
و اتراب اللحد چومه علی اکتاری
زاحتنی ابزعل گالت هلی ذولاک
بیت انجوم حبنه البل فجر جاری
نظرنه انه ویاهه للسماء ابترحاب
شفت نجم الثریا البل فلـــــــک داوی
او نجوم اهوای مجتمعه اعلی درب الخیر
تاخذ ثار من عاده امی کــــــل خاوی
او نادت نجمه من ابعیـــد یا بو افلان
گالت خاله بیت الحزن طردینــــــاه
امک ضاعت اسنین او لگیناهــــــه
خوات الهه نضل والگمر ودیـــــناه
ابطن اگلوبنه یبنی حضنّاهــــــــه
خل یدری الما یدری الدهر خــوان
اخیتنه عزیزه او عدنه جبناهـــــه
الگمر رحب ابهل جیه او کثیر اشتاق
تقدم باسهه ابخدهه او سقط نابـــه
لبسهه لباس اجدید اله جنحـــــان
او بچت امی لخوهه ابدمعه سچابـه
امی عاتبت گلهه الفخر عنـــــدچ
کصرتی گلبی من ضیمچ یحبابــه
یا معراج حبنه البلگلوب ایفـــور
ما ضاع الجمل و احنه الخیالـــه
حگچ لو عتبتی و احنه عد عیناچ
جملنه ما یضیع ابصدرچ احبــاله
گامت ابباب المضیف اوهلهـلت
ذبت اهدوم العزا و اتعدلــــت
صبغت الراس ابحمار اتبدلــت
والفرح لچهه ابرنینه اتمایلــت
فرحت امی وانه یمهــــــــه
گامت اتشمنی واشمهـــــــه
عدله امی شال عزراییل منهـه
راح روحه بلا جیه من حلمهه
هیه بیدر لل سعــــــــــاده
بل گلب باقی رسمهـــــــه
ورده امی اشتد عزمهـــــه
اشگد حنینه امی علیــــــه
المرض سبع ابحار طمهـــه
ما شکت لحد ذلیله من کرمهه
امی مخزن کل مصایــــــب
امی مجروحه او غسل دمهه العجایب
ما شکت ظلم العلیهه امن الحرایب
امی جار الجاورته اتبیع ثوب العرس لجله
لو هو مطلوب ابمعایب
والگرایب تنظر الهـــه
اتشوف مشعل چبد امی
امن الهضم ثلثینه ذایب
احنه ولـــــــــــدچ
الگمر وانجومه او جباله
البحر واشطوطه او رماله
المای والهور او جمـاله
الشعر و ارسومه او ذلاله
فدوه یمـــــــــــــه
جری نفسچ ، فتشی عینچ ، احنه یمچ
الگمر ما سلّم ییمـه
الگمر مو طافی خیاله
والنجوم التربی یمـه
الگمرگهوه ابدله ضـــــاف
والثریه اتدور فنجان العداله
الگمر ما سلّم ییمـه
هل الهلال ابجماله
الگمر ما سلم ییمه الگمر مو هذا خیاله
جاسم امحمد الجبیره الحسّانی الساری
20/04/1391
:: برچسب‌ها:
امی نجمه فی السماء ,
:: بازدید از این مطلب : 2679
|
امتیاز مطلب : 13
|
تعداد امتیازدهندگان : 4
|
مجموع امتیاز : 4
عضو شوید
عضویت سریع
آمار مطالب
آمار بازدید
